Ձեզ ենք ներկայացնում Կանանց ռեսուրսային կենտրոնում ապրիլ ամսվա ընթացքում իրականացված 3 դասընթացները:
Ապրիլի 4-ին և 11-ին ԿՌԿ-ում տեղի ունեցավ երկու դասընթաց՝ «Հայեցակարգային քաղաքականության մշակում» թեմայով: Դասընթացն ընդգրկում էր և՛ տեսական գիտելիքներ, և՛ գործնական վարժություններ՝ օգնելով մասնակիցներին ճիշտ պատկերացում կազմել քաղաքականության հայեցակարգի, քաղաքականության խնդիրների նույնականացման և քաղաքականության առաջարկների ձևակերպման փուլերի վերաբերյալ:
Հաջորդը «Աշխատելով կառավարության/օրենսդրի հետ» դասընթացն է, որն իրականցվեց ՔՀԿ ներկայացուցիչների համար: Դասընթացին քննարկվեց կառավարությունում և Ազգային ժողովում որոշումների ընդունման ընթացակարգը, այդ շղթայում հիմնական մարմինները, ազդեցության կետերը, ինչ հասանելի գործիքներ կարող են կիրառել ՔՀԿ-ները գործադիր և օրենսդիր մարմինների հետ աշխատելու համար:
3֊րդ դասընթացը «Սոցիալական ներառականություն» թեմայով դասընթացն էր, որի նպատակն էր մասնակիցներին ծանոթացնել սոցիալական ներառականության գաղափարին և այդ գաղափարախոսությամբ կազմակերպական մշակույթի ձևավորմանը։
Դասընթացներն իրականացվում են Շվեդիայի միջազգային զարգացման համագործակցության գործակալության (SIDA) աջակցությամբ
Leave a Reply