Կանանց իրավունքների ադվոկացիա
Կանանց ռեսուրսային կենտրոնի ադվոկացիոն գործունեությունը ենթադրում է՝
- կանանց տարբեր խմբերին առնչվող պետական քաղաքականությունների, օրենքների, կարգավորումների մշտադիտարկում և առկա խնդիրների բարձրաձայնում,
- իրավունքահեն և գենդերազգայուն մոտեցումների կիրառման ադվոկացիա՝ պետական քաղաքականությունների և օրենսդրության մշակման և իրականացման շրջանակներում:
Մեր ադվոկացիոն աշխատանքը հիմնվում է ֆեմինիստական արժեքների և մոտեցումների վրա: Ադվոկացիոն աշխատանքների համար հիմք են ծառայում կանանց տարբեր խմբերի, այդ թվում՝ հաշմանդամություն ունեցող, ՄԻԱՎ-ով ապրող, գյուղաբնակ, ԼԲՏՔ+, եզդի, ընտանեկան և սեռական բռնության ենթարկված կանանց հետ աշխատանքի փորձը և այդ համայնքների կանանց և նրանց հետ աշխատող մասնագետների կողմից բարձրաձայնված խնդիրները:
Մենք իրականացնում ենք ադվոկացիա հետևյալ թեմաների շուրջ՝
- գենդերային հավասարությունն,
- գենդերային բռնություն,
- սեռական ու վերարտադրողական առողջության և
- կին իրավապաշտպանների
ոլորտների օրենսդրության և պետական քաղաքականության խնդիրների վերհանում և սոցիալական փոփոխություններին միտված միջոցառումների իրականացում՝ որոշում կայացնողների մակարդակում:
Մեր ադվոկացիոն աշխատանքն ընդգրկում է ազգային և միջազգային մակարդակները:
Ազգային մակարդակում կազմակերպությունն իրականացնում է ադվոկացիա՝ միտված ներպետական օրենսդրության և քաղաքականության գենդերազգայունության և իրավունքահենության ապահովմանը, որը կծառայի տարբեր խմբերի կանանց պաշտպանությանը գենդերային խտրականությունից, ինչպես նաև կերաշխավորի արժանապատիվ աշխատանքի ու վարձատրության, բռնությունից և ոտնձգություններից զերծ, որակյալ կրթության, հասանելի առողջապահության իրավունքների իրացումն առօրյա կյանքում:
Միջազգային մակարդակում կազմակերպությունն իրականացնում է՝
- ՄԱԿ-ի պայմանագրային մարմիններին և հատուկ զեկուցողներին ստվերային զեկույցների մշակում և ջատագովություն,
- ՄԱԿ-ի պայմանագրային մարմինների կողմից պետությանն արված առաջարկների ադվոկացիա ազգային մակարդակում,
- Միջազգային այլ հարթակներում, այդ թվում՝ ՄԱԿ-ում, Եվրոպայի խորհրդում, Եվրոպական միությունում, կանանց իրավունքների ադվոկացիա:
Միջազգային մակարդակում ադվոկացիան օգնում է մեզ ազդեցություն ունենալ որոշումներ կայացնողների վրա՝ ազգային մակարդակում:
Կազմակերպության ադվոկացիոն թիմի աշխատանքները ներառում են․
- Իրականացնել ուսումնասիրություններ, հետազոտություններ, իրավական վերլուծություններ կանանց իրավունքների պաշտպանության ոլորտում;
- Ներկայացնել դրանք որոշում կայացնողներին՝ ոլորտում մշակվող և իրականացվող քաղաքականություններն ու օրենքներն առավել գենդերազգայուն դարձնելու նպատակով:
- Ազդել ներպետական օրենքների ու որոշումներ վրա ռազմավարական դատավարության միջոցով:
- Աշխատել կանանց տարբեր խմբերի հետ և մասնակից դարձնել նրանց ադվոկացիոն աշխատանքներին:
- Մասնակցել տարբեր աշխատանքային հանդիպումներին և ներկայացնել կանանց իրավունքների պաշտպանության, գենդերազգայուն մոտեցման կիրառման կարևորությունը որոշում կայացնողներին:
- Ներկայացնել կանանց իրավունքների իրացումը ՀՀ-ում տարբեր միջազգային հարթակներում:
Կանանց ռեսուրսային կենտրոնն անդամակցում է՝
Պետական կառույցներ
- Արդարադատության նախարարությանը կից հասարակական խորհրդին,
- Առողջապահության նախարարությանը կից հասարակական խորհրդին,
- Աշխատանքի և սոցիալական հարցերի նախարարությանը կից հասարակական խորհրդին,
- Կրթության, գիտության, մշակույթի և սպորտի նախարարությանը կից հասարակական խորհրդին,
- Մարդու իրավունքների ռազմավարության համակարգման խորհրդին,
Միջազգային և տեղական ցանցեր
- Ազգային ժողով-քաղաքացիական հասարակություն հարթակին,
- Հայաստանյան գենդերային թեմատիկ խմբին,
- Արևելյան գործընկերության Քաղաքացիական հասարակության ֆորումի Հայաստանի ազգային պլատֆորմին,
- Բաց հասարակության հիմնադրամներ – Հայաստանի Գործընկերություն հանուն բաց հասարակության նախաձեռնությանը,
- Մարդու իրավունքների տուն Երևանին,
- Ընդդեմ կանանց նկատմամբ բռնության կոալիցիային,
- Խտրականության դեմ պայքարի և հանուն հավասարության կոալիցիային,
- ԱՍԹՐԱ վերարտադրողական առողջության միջազգային ցանցին: