«Աղջիկները խոսում են» երկամսյա ծրագիրը նախատեսված է 13-ից 18 տարեկան աղջիկների համար։ Ծրագրի նպատակն է աղջիկների զորեղացումը, շփման և ինքնազարգացման համար ապահով միջավայրի ստեղծումը։
Հանդիպումների ընթացքում մասնակիցները հնարավորություն կունենան կիսվելու իրենց գիտելիքներով, քննարկելու հասարակությունում երիտասարդ աղջիկների դերը, խնդիրները, նպատակներն ու ձգտումները։ Քննարկումներն ուղղված կլինեն մասնակիցների մոտ բարձր ինքնագնահատականի և առաջնորդության հմտությունների ձևավորմանը։
Ծրագիրը բաղկացած է 7 հանդիպումից (շաբաթ օրերին, ապրիլ 13 – մայիս 25), որոնց ընթացքում քննարկվելու են հետևյալ թեմաները՝
•Ինքնընկալում, ինքնագնահատական
•Ինքնախնամք
•Ֆեմինիզմ, ֆեմինիստական գրականություն
•Արվեստ, ֆեմինիստական և կանանց արվեստ, արվեստ և ակտիվիզմ
•Մարմնի դրական ընկալում
•Առողջ հարաբերություններ
•Մոտիվացիա
Ծրագրի հանդիպումներն իրականացվելու են Կանանց ռեսուրսային կենտրոնի գրասենյակում (հասցե՝ Սարյան 24/5): Մարզաբնակ մասնակիցների ճանապարհածախսը կփոխհատուցվի։
Մինչև ապրիլի 5-ը կապ կհաստատվի միայն այն դիմորդների հետ, ովքեր կընտրվեն ծրագրին մասնակցելու համար: Մասնակիցները կընտրվեն ըստ լրացված հայտադիմումի, որից հետո կհրավիրվեն նախնական հարցազրույցի:
Հայտերի ընդունման վերջնաժամկետը ապրիլի 1-ն է: Դիմելու համար լրացրեք հայտը:
Հարցերի դեպքում կարող եք դիմել`
Էլ․ հասցե – nairie@womenofarmenia.org
Ֆեյսբուք – https://www.facebook.com/WomenResourceCenter/
Հեռ․ – +374 94 56 56 26
Leave a Reply