«Կանանց ռեսուրսային կենտրոն» ՀԿ-ն կազմակերպում է անվճար տեղեկատվական դասընթացների շարք
երկրորդ/13-26 շաբաթական/ և երրորդ/27-40 շաբաթական/ եռամսյակում գտնվող հղի կանանց համար:
Դասընթացների շարքը բաղկացած է 6 հանդիպումներից, որոնց ընթացքում կքննարկվեն հետևյալ թեմաները՝
- Կանանց սեռական և վերարտադրողական օրգանների անատոմիա և ֆիզիոլոգիա
- Բեղմնավորում և հղիության առանձնահատկություններ
- Սնունդ հղիության ընթացքում և ֆիզիկական վարժությունների կիրառում
- Սեռական հարաբերություններ հղիության ընթացքում
- Ծննդաբերություն
- Ետծննդյան խնամք և կրծքի կերակրման առանձնահատկություններ
Դասընթացների շարքը կիրականացնի Հաննա-Մարի Ալֆատունին` մանկաբարձ, գենդերային հավասարության ջատագով: Հաննա-Մարին Ֆինլանդիայից է, որտեղ աշխատել է կանանց և ընտանիքների հետ՝ ինչպես հիվանդանոցում, այնպես էլ այլ հաստատություններում: Նա ունի 12 տարվա կլինիկական փորձ (ավելի քան 1000 ծննդաբերություն) Հելսինկիի համալսարանական հիվանդանոցի ծննդաբերության բաժանմունքում: Երկար տարիներ նաև կրթել և աջակցել է հղի կանանց և նրանց զուգընկերներին:
Դասընթացները կիրականացվեն անգլերեն լեզվով՝ հայերեն թարգմանությամբ:
Դասընթացների ընթացքում կտրամադրվեն առողջ նախուտեստներ:
Դասընթացների մասնակցության համար անհրաժեշտ է գրանցվել այստեղ:
Դասընթացները կկազմակերպվեն շաբաթական երկու անգամ:
Խնդրում ենք գրանցվեն միայն այն հղիները, ում հարմար է տվյալ ձևաչափը:
Հարցերի դեպքում զանգահարել 094-56-56-26: Գրանցման վերջնաժամկետն է մարտի 5-ը:
Դասընթացները կմեկնարկեն գրանցման վերջնաժամկետից հետո:
Leave a Reply