«Աղջիկները խոսում են» երկամսյա ծրագիրը նախատեսված է 14-ից 18 տարեկան աղջիկների համար։ Ծրագրի նպատակն է աղջիկների զորեղացումը, շփման և ինքնազարգացման համար ապահով միջավայրի ստեղծումը։ Հանդիպումների ընթացքում մասնակիցները հնարավորություն կունենան կիսվել իրենց գիտելիքներով, քննարկել հասարակությունում երիտասարդ աղջիկների դերը, խնդիրները, նպատակներն ու ձգտումները։
Ծրագիրը բաղկացած է 8 հանդիպումից, որոնց ընթացքում քննարկվելու են հետևյալ թեմաները՝
•Ինքնընկալում, ինքնագնահատական
•Ֆեմինիզմ, ֆեմինիստական գրականություն
•Արվեստ, ֆեմինիստական և կանանց արվեստ, արվեստ և ակտիվիզմ
•Մարմնի դրական ընկալում
•Սեռական առողջություն
•Մոտիվացիա
Ծրագրի հանդիպումներն իրականացվելու են ամեն շաբաթ օր, Կանանց ռեսուրսային կենտրոնի գրասենյակում: Մարզաբնակ մասնակիցների ճանապարհածախսը կփոխհատուցվի։
Ծրագրին մասնակցելու համար անհրաժեշտ է լրացնել հայտադիմումը՝ հետևյալ հղումով՝ https://bit.ly/3LtDFJw:
Մասնակիցները կընտրվեն ըստ լրացված հայտադիմումի, որից հետո կհրավիրվեն նախնական հարցազրույցի: Կապ կհաստատվի միայն այն դիմորդների հետ, ովքեր կընտրվեն հարցազրույցին մասնակցելու համար:
Հայտերի ընդունման վերջնաժամկետը ապրիլի 7-ն է:
Հարցերի դեպքում կարող եք գրել elen@womenofarmenia.org կամ nairie@womenofarmenia.org էլ․ հասցեներին կամ զանգահարել 094 56 56 26 հեռախոսահամարով:
Leave a Reply