Պաշտոնը՝ «Ֆեմինիստական ապահով տարածք» ծրագրի աշխատակից
Աշխատաժամանակ՝ Լրիվ դրույք
Աշխատանքի սկիզբը՝ Հոկտեմբեր, 2022
Վայրը՝ Ք․ Երևան
Աշխատանքի նկարագրություն
Կանանց ռեսուրսային կենտրոնը փնտրում է փորձառու և նախաձեռնող աշխատակցի՝ մեր թիմի հետ համատեղ կանանց իրավունքների և գենդերային հավասարության ոլորտում կարճաժամկետ և երկարաժամկետ նախագծերում աշխատելու համար: Սույն թափուր հաստիքի թեկնածուն անմիջականորեն պատասխանատու է լինելու ծրագրի ղեկավարի կողմից տրված առաջադրանքների կատարման, գործընկերների և կազմակերպության կամավորների հետ աշխատանքների համակարգման, ինչպես նաև ծրագրի՝ ժամանակին և ըստ նախատեսված բյուջեի իրականացման համար։ «Ֆեմինիստական ապահով տարածք» ծրագրի աշխատակիցը անմիջականորեն աշխատելու է կազմակերպության կամավորների և այցելուների հետ: Այս հաստիքի թեկնածուն պետք է լինի կազմակերպված, աշխատանքային միջավայրին արագ հարմարվող և ինքնուրույն: Այս պաշտոնում աշխատելու համար պարտադիր հմտություն է նաև նախաձեռնողականությունը և խրախուսելու ունակությունը, ինչպես նաև, կազմակերպության կամավորական համայնքին միավորելու և աջակցելու հմտությունը:
Պարտականություններն են՝
- Աշխատել կազմակերպության կամավորների և այցելուների հետ,
- Աջակցել և համակարգել կամավորական նախաձեռնությունները,
- Նախաձեռնել և կազմակերպել ֆեմինիստական թեմատիկայով միջոցառումներ, քննարկումներ, ճամբարներ
- Ընդգրկել նոր կամավորների, մշտապես թարմացնել կամավորների տվյալների բազան
- Աշխատել նախագծերի և ծրագրերի պատշաճ իրականացման համար՝ ծրագրի ղեկավարի և կազմակերպության թիմի հետ համատեղ:Կազմակերպել և վերահսկել ժամանակացույցերը և համոզվել, որ վերջնաժամկետները պահպանվում են։
- Արդյունավետ կերպով համակարգել թիմի ներսում, ինչպես նաև գործընկերների և խորհրդատուների հետ աշխատանքները։
- Թարմացումների մասին բանավոր և գրավոր զեկուցել ծրագրի ղեկավարին:
- Պլանավորել և կազմակերպել ծրագրի գործողությունների իրականացումը։
- Կատարել անհրաժեշտ ադմինիստրատիվ առաջադրանքներ, ինչպիսիք են հետազոտությունները և էլ․ նամակագրությունը։
- Ցուցաբերել նվիրվածություն կանանց իրավունքների և հավասարության համար աշխատելիս, պահպանել գաղտնիություն և խտրականությունից զերծ վերաբերմունքի և գենդերազգայուն եզրույթների կիրառման սկզբունքները։
Պահանջներն ու որակավորումներն են՝
- Բակալավրի աստիճանի կրթություն մարդու իրավունքների, կառավարման,սոցիալական գիտությունների և հարակից ոլորտներում։
- Առնվազն 2 տարվա համապատասխան աշխատանքային փորձ ոչ առևտրային ոլորտում կամ սոցիալական ծրագրերում։
- Հայերենի և անգլերենի գերազանց իմացություն՝ բանավոր և գրավոր։
- Հաղորդակցման և միջանձնային հմտություններ։
- Հնարավոր խնդիրները արագ լուծելու կարողություն։
- Համակարգչային գերազանց հմտություններ, ներառյալ Microsoft Office-ի հետ աշխատելու փորձ։
- Թիմի հետ աշխատելու կարողություն։
- Կազմակերպչական հմտություններ և առաջադրանքների կատարմանը առաջնահերթություն տալու կարողություն։
- Վերջնաժամկետներին հետևելու և անհրաժեշտ դեպքում մեծ ծավալի աշխատանք կատարելու կարողություն։
- Ֆեմինիստական մոտեցում տարբեր խնդիրների հանդեպ, քննադատական մտածողություն, պատրաստակամություն սովորելու ֆեմինիզմին և ֆեմինիստական տեսությանն առնչվող թեմաներից:
Նախընտրելի թեկնածուն պետք է լինի կազմակերպության ընդհանուր արժեքների կրողը։
Ինչպե՞ս դիմել
Եթե Դուք համապատասխանում եք վերը նշված պահանջներին, խնդրում ենք ուղարկել Ձեր ինքնակենսագրականը, մոտիվացիոն նամակը՝ հայերեն կամ անգլերեն լեզուներով, anush@womenofarmenia.org էլ․հասցեին ՝ առարկայի մեջ նշելով «Ֆեմինիստական ապահով տարածք» ծրագրի աշխատակից»: Կապ կհաստատվի միայն ընտրության առաջին փուլն անցած թեկնածուների հետ՝ հարցազրույցի հրավիրելու նպատակով: Դիմելու վերջնաժամկետն է սեպտեմբերի 15-ը:
Կազմակերպության մասին
Կանանց ռեսուրսային կենտրոնը (ԿՌԿ) հիմնադրվել է 2003թ․-ին և գործում է Հայաստանի Հանրապետության տարածքում: ԿՌԿ-ն ֆեմինիստական իրավապաշտպան կազամակերպություն է, որի տեսլականն է հայաստանյան հասարակությունում կանանց հավասար և ինքնորոշ կարգավիճակի հաստատումը, հայրիշխանական հասարակարգի կողմից կնոջ նկատմամբ կիրառվող բռնաճնշումների և սահմանափակումների վերացումը: ԿՌԿ-ն իր գործունեությամբ ձգտում է հասարակության մեջ վարքային և նորմատիվային փոփոխության՝ ներազդելով պետական քաղաքականության, սոցիալ-մշակութային և օրենսդրական դաշտերի վրա:
Leave a Reply