Legal advice
Կանանց իրավունքների դասընթացը «Կանանց ռեսուրսային կենտրոն»-ի մշտական ծրագրերից է, որն իրականացվում է տարին 3 անգամ: Դասընթացի նպատակն է հասարակության շրջանում բարձրացնել իրազեկվածության մակարդակը կանանց հիմնախնդիրների և իրավունքների վերաբերյալ: Կանանց իրավունքների դասընթացը ներառում է հետևյալ թեմաները՝
- Մարդու իրավունքներ
- Գենդեր
- Գենդերային հիմքով բռնություն
- Ֆեմինիզմ
- Սեռական և վերարտադրողական առողջություն և իրավունք
- «Կանայք, խաղաղություն, անվտանգություն» օրակարգ
Դասընթացն անվճար է և բոլոր հանդիպումներին մասնակցելուց հետո տրվում է մասնակցության վկայական: Մասնակիցները նաև հնարավորություն ունեն դասընթացի ավարտից հետո դիմելու ֆեմինիստական փոքր դրամաշնորհային ծրագրեր իրականացնելու համար: Դասընթացին կարող են մասնակցել 16 տարին լրացած բոլոր անձինք:
Հանդիպում հոգեբանի հետ
Կանանց ռեսուրսային կենտրոնը իրականացնում է կանանց համար նախատեսված հոգեբանի հետ հանդիպուների շարք: Այս հանդիպումները նպատակ ունեն ստեղծել ապահով միջավայր, որտեղ կանայք կկարողանան խոսել իրենց հետաքրքրող և անհանգստացնող հարցերի շուրջ, ինչպես նաև քննարկել հոգեբանական մոտեցումներ:
Կանանց ռեսուրսային կենտրոնում իրականացվում է Անձնային աճի դասընթաց արտ-թերապիայի միջոցով: Հոգեբանական խմբային աշխատանքը նախատեսված է կանանց և աղջիկների համար: Արտ-թերապիան ժամանակակից հոգեթերապևտիկ ճյուղերից մեկն է: Տերմինը անգլերենից թարգմանվում է որպես արվեստով բուժում, այսինքն՝ հիմնված է անձի ստեղծագործական ինքնաարտահայտման սկզբունքի վրա: Արտ-թերապիան լայն կիրառություն է գտել ինչպես երեխաների, այնպես էլ մեծահասակաների հետ հոգեթերապևտիկ, հոգեշտկող և ինքնաճանաչմանն ուղղված աշխատանքներում:
Թրեյնինգային ծրագիրը բաղկացած է տաս հաջորդական հանդիպումներից, որոնցից յուրանքանչյուրը ուղղված են մասնակիցների ինքնաարտահայտմանը, սեփական հույզերի և զգացմունքների ինքնաճանաչմանը, որոնք իրականանալու են հեքիաթային և ստեղծագործական ճանապարհի միջոցով:
Հիմնական թեմաներն են.
- Ինքնավերաբերմունք, ինքնաարտահայտում, ինքնաճանաչում,
- Ինքնագնահատականի հետ կապված խնդիրներ և այդ խնդիրների լուծմանն ուղղված ռազմավարությունների մշակում,
- Միջանձնայաին հարաբերություններում առկա խնդիրների դուրս բերում և համապատասխան ռազմավարութունների մշակում:
Leave a Reply