#EU4Armenia #StopGBV
#Հետազոտողի թափուր հաստիք
«Կին իրավապաշտպանները քայլեր են ձեռնարկում Հայաստանում գենդերային բռնության դեմ» ծրագրի շրջանակներում փնտրում ենք հետազոտող կամ հետազոտական կազմակերպություն:
Հետազոտության նպատակն է ուսումնասիրել ՀՀ աշխատանքի և սոցիալական հարցերի նախարարության և ՀՀ արդարադատության նախարարության ենթակայության տակ գործող 10 փակ և կիսափակ (օրինակ՝ հոգեկան առողջության պահպանման հաստատություն, քրեակատարողական հաստատություն, մանկատուն, տարեցների խնամքի կենտրոն և այլն) հաստատություններում գենդերային բռնության դրսևորումները։
Հետազոտության իրականացման ժամանակահատվածն է՝ մայիս-հոկտեմբեր 2021
Հետազոտողը կամ հետազոտական թիմը պետք է՝
- Պայմանավորվածություններ ձեռք բերի ՀՀ աշխատանքի և սոցիալական հարցերի նախարարության և ՀՀ արդարադատության նախարարության և այս կառույցների ենթակայության տակ գործող փակ և կիսափակ հաստատությունների հետ՝ հետազոտությունն իրականացնելու համար:
- Մշակել հետազոտության մեթոդաբանություն, այդ թվում՝ գործիքակազմ:
- Իրականացնել դաշտային աշխատանքներ:
- Վերլուծել ստացված տեղեկատվությունը և մշակել հետազոտության վերլուծություն-զեկույց՝ ամփոփելով հիմնական փաստերը և հանդես գալ առաջարկներով:
- Ներկայացնել հետազոտության անգլերեն անոտացիան:
- Հանրային միջոցառման ժամանակ ներկայացնել հետազոտության տվյալները:
- Ամսվա կտրվածքով մեկ անգամ ներկայացնել կարճ հաշվետվություն ծրագրի համակարգողին իրականացված աշխատանքների մասին:
Պահանջվող որակավորումներ և հմտություններ.
- Սոցիոլոգի կամ մարդու իրավունքների ոլորտում մագիստրոսի աստիճան
- Նվազագույնը երեք տարվա հետազոտական աշխատանքի փորձ մարդու իրավունքների և մասնավորապես՝ գենդերային հիմնախնդիրների ոլորտում
- Հարցազրույցներ վարելու և տվյալներ հավաքագրելու, վերլուծություններ կատարելու հմտություններ
- Հայերենի և անգլերենի գերազանց իմացություն
- Փակ և կիսափակ հաստատություններում հետազոտություն/մշտադիտարկում իրականացնելու փորձը կդիտվի որպես առավելություն:
- Զգայունություն գենդերային հիմնախնդիրների և մասնավորապես՝ գենդերային բռնության թեմայի նկատմամբ:
Դիմելու ընթացակարգ
Ուղարկեք Ձեր CV-ն (անհատի դեպքում), կազմակերպության դեպքում՝ հիմնական հետազոտողների CV-ները, կատարված հետազոտությունների, հոդվածների հղումները (առնվազն 2 աշխատանք) և գնառաջարկ, anna@womenofarmenia.org հասցեին՝ նամակի վերնագրում նշելով հետազոտողի թափուր հաստիք: Դիմումների վերջնաժամկետը 2021թ․ ապրիլի 15-ն է: Հարցերի դեպքում գրել մեր Ֆեյսբուքյան էջին՝ «Կանանց ռեսուրսային կենտրոն»:
«Կին իրավապաշտպանները քայլեր են ձեռնարկում Հայաստանում գենդերային բռնության դեմ» (2020-2022 թթ․) ծրագիրն իրականացվում է Ընդդեմ կանանց նկատմամբ բռնության կոալիցիայի կողմից Եվրոպական միության ֆինանսավորմամբ։
Leave a Reply