«Կանանց ռեսուրսային կենտրոն» ՀԿ-ն (այսուհետ՝ պատվիրատու) հրավիրում է հավանական թեկնածուներին մասնակցելու սոցիալական տեսահոլովակների (PSA – Public Short Announcement) պատրաստման մրցույթին:
Ծառայությունների մատուցման սկիզբ՝ 01 ապրիլ, 2022
Ծառայությունների մատուցման ավարտ՝ 30 հունիս, 2022
Սոցիալական տեսահոլովակների պատրաստման շրջանակներում ընտրված անհատը, խումբը, կամ կազմակերպությունը հանձն են առնելու հետևյալ գործառույթները․
- Պատվիրատուի կողմից առաջարկվող թեմաներով 3 սոցիալական տեսահոլովակների պատրաստում՝ յուրաքանչյուրը 1-2 րոպե տևողությամբ,
- Սոցիալական տեսահոլովակների սցենարների մշակում և պատրաստում,
- Պատվիրատուի կողմից ձևավորված խմբի հետ մեկտեղ սոցիալական տեսահոլովակների քննարկում և մշակում:
Սոցիալական գովազդները պետք է՝
- Լինեն հետևյալ թեմաներով՝ կանանց իրավունքներ, գենդերային հիմքով բռնություն՝ ներառյալ ընտանեկան և սեռական բռնություն,
- Լինեն 1-2 րոպե տևողությամբ,
- Լինեն ստեղծագործական և նորարարական մոտեցմամբ,
- Լինեն կա՛մ անիմացիոն, կա՛մ սովորական տեքստապատկերային, երկու դեպքում էլ՝ ձայնային ուղեկցմամբ,
- Լինեն պատրաստված գենդերազգայուն մոտեցմամբ:
Դիմելու համար անհրաժեշտ է ներկայացնել՝
- 1 րոպեանոց գովազդի պատրաստման գնառաջարկը՝ ա) անիմացիայի դեպքում, բ) տեքստապատկերային սովորական հոլովակի դեպքում:
- Գնառաջարկի ներկայացման ձևաթուղթը խնդրում ենք տեսնել կից
- Հաշվարկն իրականացնել առանց ավելացված արժեքի հարկի (ԱԱՀ):
- Նախկինում արված սոցիալական տեսահոլովակների օրինակներ։
- Անհատների դեպքում դիմումի հետ մեկտեղ ներկայացնել ինքնակենսագրական (CV), կազմակերպությունների դեպքում ներկայացնել կազմակերպության գործունեութան մասին տեղեկատվություն:
Դիմումների վերջնաժամկետը մարտի 31-ն է: Ուշացած կամ ոչ լիարժեք դիմումները չեն քննարկվի: Հաշվի առնելով դիմումների քանակը՝ կազմակերպությունը կապ կհաստատի միայն հարցազրույցի փուլ անցած դիմորդների հետ: Լիարժեք դիմումները պետք է ուղարկվեն mkrtchyan@womenofarmenia.org էլ․ հասցեին՝ subject բաժնում նշելով «Սոցիալական տեսահոլովակների մրցույթ»: Խնդրում ենք հաշվի առնել, որ ստորագրված գնառաջարկը պետք է ուղարկել սկանավորված տարբերակով: Անհրաժեշտության դեպքում նաև անհրաժեշտ կլինի ներկայացնել գնառաջարկի բնօրինակը:
Հարցերի դեպքում կարող եք դիմել mkrtchyan@womenofarmenia.org էլ․ հասցեով:
Սոցիալական տեսահոլովակները պատրաստվելու են «Կին իրավապաշտպանները քայլեր են ձեռնարկում Հայաստանում գենդերային բռնության դեմ» ծրագրի շրջանակում:
«Կին իրավապաշտպանները քայլեր են ձեռնարկում Հայաստանում գենդերային բռնության դեմ» (2020-2022 թթ) ծրագիրն իրականացվում է Ընդդեմ կանանց նկատմամբ բռնության կոալիցիայի կողմից Եվրոպական միության ֆինանսավորմամբ:
Կազմակերպության մասին՝
Կանանց ռեսուրսային կենտրոնը հիմնադրվել է 2003 թ-ին և գործում է Հայաստանի Հանրապետության տարածքում: ԿՌԿ-ն ֆեմինիստական իրավապաշտպան կազամակերպություն է, որի տեսլականն է հայաստանյան հասարակությունում կանանց հավասար և ինքնորոշ կարգավիճակի հաստատումը, հայրիշխանական հասարակարգի կողմից կնոջ նկատմամբ կիրառվող բռնաճնշումների և սահմանափակումների վերացումը: ԿՌԿ-ն իր գործունեությամբ ձգտում է հասարակության մեջ վարքային և նորմատիվային փոփոխության՝ ներազդելով պետական քաղաքականության, սոցիալ-մշակութային և օրենսդրական դաշտերի վրա:
Leave a Reply