Կանանց ռեսուրսային կենտրոնը պատկերացնում է Հայաստանն ազատ՝ հայրիշխանական ինստիտուտներից և մոտեցումներից, որտեղ տապալված են բոլոր տեսակի ճնշումները, խտրականությունները և սահմանափակումները, և որտեղ յուրաքանչյուր մարդ կարող է ապրել ազատությամբ, արժանապատվությամբ և հավասարությամբ։
Կանանց ռեսուրսային կենտրոնը առաջնորդում է հավաքական պայքար՝ Հայաստանում հայրիշխանական համակարգերին մարտահրավեր նետելու և փոխակերպելու համար։
Զորեղացման, ադվոկացիայի և համերաշխության միջոցով, մենք՝
Աջակցում և ամրապնդում ենք կանանց և դեռահաս աղջիկների բազմազան խմբերին,
Բացահայտում, դիմադրում և խաթարում ենք ճնշումների և խտրականության մշակութային, կառուցվածքային և համակարգային ձևերը,
Խթանում ենք վարքագծային, սոցիալական և քաղաքական փոխակերպողական փոփոխություններ, որոնք առաջ են մղում գենդերային արդարությունն ու հավասարությունը։
Մեր համատեղ պայքարը ներառում է նաև ԼԳԲՏԻՔ+ անձանց, մարգինալացված համայնքներին և բոլոր նրանց, ովքեր կիսում են արդարության, ներառականության և ազատագրման մեր արժեքները։
ԿՌԿ-ն իր գործունեությամբ ձգտում է հասարակության մեջ վարքային և նորմատիվային փոփոխության՝ ներազդելով պետական քաղաքականության, սոցիալ-մշակութային և օրենսդրական դաշտերի վրա:
Մենք ստեղծում ենք ֆեմինիստական անվտանգ տարածքներ, որտեղ կանայք ու աղջիկները կարող են արտահայտել իրենց, ստանալ աջակցություն, սովորել և վերագտնել իրենց ուժը։
Մի՛ կորցրու մեր վերջին նորությունները, նախաձեռնությունները, կանանց պատմությունները և առաջիկա միջոցառումները։ Միայն մեկ սեղմումով կմիանաս մեր աջակցող համայնքին։
