Կանանց ռեսուրսային կենտրոնը կազմակերպում է «Ֆեմինիստական զորեղացման ճամբար ’26»-ը: Ճամբարի նպատակն է ֆեմինիստական զանազան թեմաներով գիտելիքների տարածումը, շփման և ինքնազարգացման ապահով միջավայրի ստեղծումը։
Ճամբարի 3 օրերը հագեցած են լինելու հավաստի տեղեկատվության փոխանցմամբ, թեմատիկ խաղերով և արվեստով:
- Ճամբարի ընթացքում դասընթացների և քննարկումների միջոցով անդրադառնալու ենք հետևյալ թեմաներին․
- Ինքս ինձ գտնելը. ինքնակարեկցանք, ուրախություն և մեզ գտնելը (հոգեբանություն+հաճույք+ինքնություն)
- Ֆեմինիզմը պատմությունների միջոցով․ գրականություն և ընդհանուր փորձառություններ
- Գենդեր․ սահմաններ, որոնք մենք չենք ընտրել
- Մեր մարմինների հետ կապը վերագտնելով․ բնություն, հանգիստ և մարմնացում (յոգա, մտահայեցում, մարմնի արժևորում, զգայական վարժանքներ)
- Արտ ակտիվիզմ․ զգացմունքները դիմադրության վերածելով
- Ֆեմինիստական ապագա․ համայնք, հավաքական հոգատարություն և հույս
Ճամբարին կարող են դիմել 18-25 տարեկան բոլոր անձինք, որոնք հետաքրքրված են վերոնշյալ թեմաներով: «Ֆեմինիստական զորեղացման ճամբարը» տեղի կունենա հուլիսի 24-26-ը՝ Երևանից դուրս՝ ապահով միջավայրում (անցկացման հյուրանոցի մասին տեղեկություն կփոխանցենք վերջնական ընտրված մասնակիցներին):
Ճամբարն անվճար է, իսկ մասնակիցների ճանապարհածախսը կփոխհատուցվի:
Մասնակիցները կընտրվեն ըստ լրացված հայտադիմումի: Տեղերը սահմանափակ են, հետևաբար, նախապատվություն կտրվի առավել լավ ներկայացված հայտերին:
Դիմելու վերջնաժամկետը hուլիսի 17-ն է:
Պատասխան նամակ կուղարկվի մինչև հուլիսի 20-ը:
Հարցերի դեպքում կարող եք դիմել՝
Էլ․ հասցե – nairie@womenofarmenia.org / armi@womenofarmenia.org
Ինստագրամ – https://www.instagram.com/wrc_armenia/
Ֆեյսբուք – https://www.facebook.com/WomenResourceCenter/
Հեռ․ – +374 94 56 56 26
*Կանանց ռեսուրսային կենտրոնը ներառական է բոլոր անձանց հանդեպ: Մենք չենք հանդուրժում որևէ հիմքով խտրականություն, այդ թվում՝ սեքսիզմ, կնատյացություն, հոմոֆոբիա և տրանսֆոբիա:
