Եվրոպական միության աջակցությամբ իրականացվող «Մարդու իրավունքները փախստականների հետ և նրանց համար» ծրագրի շրջանակում Կանանց ռեսուրսային կենտրոնը կազմակերպում է 5 առցանց դասընթացների շարք՝ Լեռնային Ղարաբաղից տեղահանված սոցիալական աշխատողների համար:
Դասընթացի թեման է «Տրավմա-ինֆորմացված արձագանքը գենդերային բռնության ենթարկված տեղահանված անձանց հետ սոցիալական աշխատանքում»:
Առցանց դասընթացի թեմաները ներառում են՝
- Ընտանեկան և սեռական բռնության դեպքերի հետ սոցիալական աշխատանքի առանձնահատկությունները,
- Տեղահանված կանանց վերարտադրողական կարիքներին արձագանք,
- Տեղահանված անձանց շրջանում տրավման, հետտրավմատիկ սթրեսային խանգարումը,
- Տրավմա-ինֆորմացված արձագանքը սոցիալական աշխատանքում:
Դասընթացն անվճար է, սակայն մասնակցությունը բոլոր 5 հանդիպումներին պարտադիր նախապայման է: Դասընթացը կանցկացվի հունիս-հուլիս ամիսներին ՝ Զում հարթակի միջոցով (ընդհանուր տևողությունը՝ 5 շաբաթ, ամեն շաբաթ մեկ օր՝ 2-3 ժամ):
Դասընթացին պետք է գրանցվել՝ հետևյալ հղումով:
Գրանցման վերջնաժամկետն է մայիսի 21-ը:
**
«Մարդու իրավունքները փախստականների հետ և նրանց համար» ծրագիրն իրականացվում է Եվրոպական միության աջակցությամբ՝ Ժողովրդավարության զարգացման հիմնադրամի, Փախստականների հարցերով էստոնական խորհրդի, Ընդդեմ կանանց նկատմամբ բռնությանկոալիցիայի և Քըմիթ Գլոբըլ կազմակերպության կողմից: Ծրագիրն ուղղված է Լեռնային Ղարաբաղի փախստականների աջակցմանն ու հզորացմանը՝ նրանց իրավունքների մասին գիտելիքի և իրազեկվածության բարձրացման, նրանց համար նախատեսված ծառայությունների և հնարավորությունների մասին տեղեկատվության հասանելիության ապահովման միջոցով։
Coalition to Stop Violence against Women, European Union in Armenia, Ժողովրդավարության Զարգացման Հիմնադրամ/Democracy Development Foundation
