Legal advice
Մայիսի 2-ին մարզային մեր գործընկեր կազմակերպությունների հետ, որոնք նաև դրամաշնորհներ են ստանում մեր կազմակերպության կողմից, ունեցանք քննարկում նվիրված Լեռնային Ղարաբաղից տեղահանված կանանց համակարգային խնդիրներին: 2023թ.-ից հետո, այս կազմակերպությունները շարունակում են ծառայություններ մատուցել արցախցիներին: Հանդիպման ժամանակ վերհանվեցին այն խնդիրները, որոնց առնչվում են կազմակերպություններն՝ աջակցությունը կառուցելիս:
Հանդիպման երկրորդ մասում քննարկեցինք խնդիրներ, որոնք վերաբերում են կանանց իրավունքներին անվտանգային օրակարգի շրջանակներում: Մասնավորապես՝ ՄԱԿ-ի Անվտանգության խորհրդի «Կանայք, խաղաղություն և անվտանգություն» N 1325 բանաձևի դրույթների իրականացման գործողությունների նոր ծրագրի մշակմանն ընդառաջ հավաքագրեցինք առաջարկներ, որոնք կարևորում ենք, որ ներառվեն այդ փաստաթղթում՝ հաշվի առնելով սահմանամերձ և կանանց հետ աշխատող կազմակերպությունների փորձառությունը:
Այս հանդիպման արդյունքում որոշվեց քննարկումներ ունենալ պատասխանատու պետական գերատեսչությունների ներկայացուցիչների հետ:
Leave a Reply