Ապրիլի 3-ին Կանանց ռեսուրսային կենտրոնը Սոլիդարիթի Սենթեր հայաստանյան մասնաճյուղի հետ կազմակերպած միջոցառման ժամանակ ներկայացրեց «Աշխատավայրում սեռական ոտնձգության հիմնախնդիրը Հայաստանում» հետազոտության արդյունքները: Հետազոտության ներկայացմանը ներկա էին ՀՀ կառավարության ներկայացուցիչներ, Ազգային ժողովի պատգամավորներ, իրավապաշտպան գործունեությամբ զբաղվող հասարակական կազմակերպություններ և լրատվամիջոցներ: Միջոցառման ընթացքում կարևորվեց պետական քաղաքականությամբ աշխատավայրում աշխատակիցների անձեռնմխելիության ու արժանապատվության պաշտպանումը, սեռական ոնտձգությունների կանխագելումն ու համապատասխան սանկցիաների սահմանումը:
Լիահույս ենք, որ հաջորդ շաբաթ ԱԺ-ում երկրորդ ընթերցմամբ կընդունվի աշխատանքային օրենսգրքի փոփոխությունների նախագիծը, որը կանխարգելման և պաշտպանության մեխանիզմներ կնախատեսի աշխատավայրը ավելի արժանապատիվ դարձնելու համար:
Ներկայացված հետազոտությունը կարող եք տեսնել այստեղ:
Իսկ դրա հիման վրա գրված քաղաքականության փաստաթուղթը՝ այստեղ:
Քննարկման վերաբերյալ մեդիայի անդրադարձը.
