Սեռական և վերարտադրողական առողջություն և իրավունք (ՍՎԱԻ) ծրագիրը գործում է 2008թ-ից: Նպատակն է պաշտպանել տարբեր խմբի կանանց սեռական և վերարտադրողական իրավունքերը՝ իրազեկվածության բարձրացման և ոլորտում առկա հիմնախնդիրների լուծման շնորհիվ:
ՍՎԱԻ ծրագրի շրջանակներում իրականացվում են հետևյալ գործառույթները․
2017թ. «Կանանց ռեսուրսային կենտրոն» ՀԿ-ի կողմից հիմնադրվեց «Վերարտադրողական իրավունքի շահերի պաշտպանության ցանցը», որի նպատակն է բարձրացնել տարբեր խմբի կանանց, մասնավորապես՝ ՄԻԱՎ-ով ապրող, գյուղաբնակ, եզդի, հաշմանդամություն ունեցող և ԼԲՏ կանանց վերարտադրողական իրավունքի հիմնախնդիրները: Ցանցի անդամները տարբեր ոլորտներում կանանց վերարտադրողական առողջության և իրավունքի հարցերով զբաղվող իրավապաշտպաններ և համապատասխան ոլորտի մասնագետներ են:
Ցանցի ստեղծումը նպաստեց նրանց ջանքերի համախմբմանը և նրանց կողմից իրականացվող իրավապաշտպան գործունեության համատեղմանը՝ դարձնելով այն ավելի ներառական և միջխմբային (ինտերսեկցիոնալ): Ցանցի գործունեությունն ուղղված է վերարտադրողական իրավունքի ոլորտի օրենսդրական և պետական քաղաքականության խնդիրների վերհանմանը և սոցիալական փոփոխություններին ուղղված միջոցառումների կազմակերպմանը:
Մի՛ կորցրու մեր վերջին նորությունները, նախաձեռնությունները, կանանց պատմությունները և առաջիկա միջոցառումները։ Միայն մեկ սեղմումով կմիանաս մեր աջակցող համայնքին։
