Սեռական և վերարտադրողական առողջության և իրավունք ծրագրի շրջանակներում իրականացվում և կազմակերպվում են հետևյալ իրազեկման աշխատանքները՝
- 2007 թ-ից սկսած գործում է «Իմ մարմին՝ իմ իրավունք» սեռական առողջության դասընթացը, որի հիմնական նպատակն է բարձրացնել տեղեկությունը սեռական և վերարտադրողական առողջության և իրավունքի տարբեր թեմաների շուրջ, ինչպես նաև ստեղծել ապահով տարածք կանանց համար սեռականության տարբեր հիմնախնդիրների քննարկման համար: Դասընթացը բաղկացած է 8 հանդիպումներից, որոնք նախատեսված են 18-35 տարեկան կանանց համար:
- Գործում են երկօրյա դասընթացներ սեռական և վերարտադրողական առողջության և իրավունք թեմաների շուրջ տարբեր խմբի կանանց համար, մասնավորապես՝ ՄԻԱՎ-ով ապրող կանանց, հաշմանդամություն ունեցող կանանց, եզդիական համայնքի կանանց և մի շարք այլ խմբերի կանանց համար:
- Իրականացվում են վերապատրաստման դասընթացներ ինչպես հասարակական, այնպես էլ միջազգային կազմակերպությունների և անհատների համար՝ բարձրացնելով զգայունությունը կանանց իրավունքների, մասնավորապես՝ կանանց սեռական և վերարտադրողական իրավունքների շուրջ:
- Կազմակերպվում են հանդիպումներ և քննարկումներ ծնողների հետ դեռահասների սեռատարիքային առանձնահատկությունների և սեռական կրթության արդի տենդենցների վերաբերյալ՝ շեշտադրելով խոսելու և բաց հաղորդակցման կարևորությունը:
- Կազմակերպվում և իրականացվում են վերապատրաստման դասընթացներ բուժաշխատողների, մասնավորապես՝ ընտանեկան բժիշկների և մանկաբարձ-գինեկոլոգների համար՝ բարձրացնելով զգայունությունը և հակախտրական մոտեցման կարևորությունը տարբեր խմբի կանանց վերարտադրողական առողջության բժշկական ծառայություններ մատուցելիս:
- Ծրագրի շրջանակներում տպագրվում և հրապարակվում են բազմաթիվ թեմատիկ ամսաթերթեր և հոդվածներ, ինչպես նաև նկարահանվում են տեղեկատվական տեսահոլովակներ:
- Ծրագրի շրջանակներում գործում է նաև Իմ մարմին՝իմ իրավունք ֆեյսբուքյան էջը, որի շրջանակներում հրապարակվում են բազմաթիվ տեղեկատվական հոդվածներ և նյութեր, ինչպես նաև իրականացվում է առցանց խորհրդատվություն կանանց համար:
