Կանանց ռեսուրսային կենտրոնը հայտարարում է փոքր ենթադրամաշնորհների մրցույթ՝ նպատակ ունենալով ուժեղացնել կանանց կողմից առաջնորդվող քաղաքացիական հասարակության դերակատարների պատրաստվածությունը, պաշտպանությունը և դիմակայունությունը զգայուն ժամանակահատվածում։
Փոքր դրամաշնորհները կարող են աջակցել հետևյալ ուղղություններին՝
- Կանանց քաղաքացիական հասարակության դերակատարների դիմակայունության ամրապնդում քաղաքական լարվածության պայմաններում
- Քաղաքացիական շրջանակի պաշտպանության և ներառական ժողովրդավարական մասնակցության խթանում՝ մարգինալացված համայնքների ընտրողների շրջանում նրանց իրավունքների վերաբերյալ իրազեկության բարձրացման միջոցով
- Գենդերային ապատեղեկատվության և ատելության խոսքի կանխարգելում և արձագանքում
- Թվային, ֆիզիկական և համապարփակ անվտանգության պատրաստվածության բարձրացում
- Գենդերային հիմքով քաղաքական բռնության մշտադիտարկում և փաստագրում
- Իրավունքահեն շահերի պաշտպանություն և ընտրական գործընթացներում ներառական մասնակցության խթանում
- Արագ արձագանքման կամ ճգնաժամային պատրաստվածության մեխանիզմների մշակում
- Կոալիցիաների ձևավորման և տեղական համերաշխության ցանցերի ամրապնդում
Ծրագրին կարող են դիմել Հայաստանում գործող կանանց կողմից առաջնորդվող ՀԿ-ներ, ֆեմինիստական ՔՀԿ-ներ, տեղական նախաձեռնություններ և համայնքային կազմակերպություններ, մասնավորապես՝ այն կազմակերպությունները, որոնք գործում են մարզերում և աշխատում են մարգինալացված կամ թերներկայացված համայնքների հետ։
Համագործակցային նախաձեռնությունները և կոալիցիոն ձևաչափով դիմումները խրախուսվում են։
Առաջարկները կգնահատվեն հետևյալ չափանիշների հիման վրա՝
- Համապատասխանություն նախընտրական շրջանում նույնականացված ռիսկերին և հակամարտության դինամիկային
- Հստակ, իրագործելի և համատեքստին զգայուն գործողությունների ծրագիր
- Ներդրում գենդերային հավասարության, ժողովրդավարական դիմակայունության և ներառական մասնակցության խթանման գործում
- Իրավունքահեն, ինտերսեկցիոնալ և «վնաս չպատճառելու» մոտեցումների ներառում
Ինտերսեկցիոնալ, համայնքակենտրոն և համագործակցային նախաձեռնությունները հատկապես խրախուսվում են։
Դիմումի փաթեթ
Յուրաքանչյուր հայտ պետք է ներառի ծրագրային առաջարկ (առավելագույնը 3-4 էջ)՝ նկարագրելով գործողությունները, նպատակները, թիրախային խմբերը, ակնկալվող արդյունքները, ժամանակացույց, կազմակերպության ընդհանուր գործունեության հակիրճ նկարագրություն և բյուջե:
Ենթադրամաշնորհի չափը՝ 2 185 000 ՀՀ դրամ
Ծրագրի իրականացման ժամկետը՝ 3 ամիս (մարտ-մայիս)
Դիմելու վերջնաժամկետը ՝ փետրվար 20
Ծրագրին դիմելու համար անցեք հղումով:
