Ձեզ ենք ներկայացնում Կանանց ռեսուրսային կենտրոնում հունիս ամսվա ընթացքում իրականացված դասընթացները:
📢Հունիսի 12-ին ԿՌԿ-ում տեղի ունեցավ «Աշխատանք դոնոր համայնքի հետ» դասընթացը: Դասընթացի ժամանակ մասնակիցները ծանոթացան Հայաստանում միջազգային քաղաքականությունների տեղայնացմանը և դոնոր համայնքի աշխատանքին, ստացան դոնոր համայնքի հետ աշխատելու գիտելիք, հմտություններ և գործիքակազմ: Առանձին անդրադարձ եղավ ֆոնդհայթայթմանը (fundraising) և կապերի հաստատմանը (networking). Դասընթացի երկրորդ մասում կազմակերպությունները կազմեցին դոնորների հետ աշխատանքի անհատական պլաններ:
Հունիսի 13-ին ԿՌԿ-ում տեղի ունեցավ «Գենդերային վերլուծություն․ սկզբունքներ և գործիքակազմ» դասընթացը: Դասընթացի ընթացքում մասնակիցները ծանոթացան գենդերային վերլուծության էությանը, տիրապետեցին դրա գործիքակազմին, հնարավորություն ունեցան տեսական և պրակտիկ աշխատանքների միջոցով գենդերային վերլուծության իրականացման փորձ ձեռք բերելու։
Հունիսի 26-27-ին ԿՌԿ-ում տեղի ունեցավ «Բյուջետային գործընթաց. Քհկ-ների մասնակցության հնարավորություններ» խորագրով դասընթացը: Դասընթացի ընթացքում մասնակիցները ծանոթացան պետական բյուջեի հիմնական աղբյուրներին, ներկայացվող հաշվետվությունների կառուցվածքին: Քննարկվեցին մասնակցային բյուջետավորումը, ՔՀԿ-ների դերը, մասնակցության հնարավորությունները և ժամկետները:
Դասընթացներն իրականացվում են Շվեդիայի միջազգային զարգացման համագործակցության գործակալության (Sida) աջակցությամբ:
