Պաշտոնը՝ գործադիր տնօրենի օգնական
Աշխատաժամանակ՝ շաբաթական 30 ժամ
Աշխատանքի սկիզբը՝ մայիս 15
Վայրը՝ ք․ Երևան
Անմիջական ղեկավար՝ գործադիր տնօրեն
Աշխատանքի նկարագրություն
Կանանց ռեսուրսային կենտրոնը փնտրում է փորձառու և նախաձեռնող անձի՝ գործադիր տնօրենի օգնականի թափուր հաստիքը համալրելու համար: Գործադիր տնօրենի օգնականի պարտականությունն է աջակցել գործադիր տնօրենին իր վարչական գործառույթները կատարելիս՝ ապահովելով կազմակերպության ռազմավարական նպատակների իրականացումը: Գործադիր տնօրենի օգնականը պետք է լինի կազմակերպված, աշխատանքային միջավայրին հարմարվող և ինքնուրույն աշխատելիս տրված հանձնարարությունների կատարումը առաջնահերթող։ Այս պաշտոնում աշխատելու համար պարտադիր հմտություն է նաև ուրիշներին իրենց աշխատանքի իրականացմանը դրդելու և խրախուսելու ունակությունը:
Գործադիր տնօրենի օգնականի պարտականություններն են՝
- Աշխատել նախագծերի և ծրագրերի պատշաճ իրականացման համար՝ գործադիր տնօրենի և կազմակերպության թիմի հետ համատեղ:
- Աջակցել գործադիր տնօրենին ֆոնդահայթայթման և ծրագրային հաշվետվությունների կազմման հարցում:
- Համագործակցել ողջ թիմի հետ՝ նպաստելով առկա ծրագրերի իրականացմանը։
- Կազմակերպել և վերահսկել ժամանակացույցերը և համոզվել, որ վերջնաժամկետները պահպանվում են։
- Արդյունավետ կերպով համակարգել թիմի ներսում, ինչպես նաև՝ գործընկերների և խորհրդատուների հետ աշխատանքները։
- Թարմացումների մասին բանավոր և գրավոր զեկուցել գործադիր տնօրենին:
- Կատարել անհրաժեշտ ադմինիստրատիվ և կազմակերպչական աշխատանքներ։
- Ցուցաբերել նվիրվածություն կանանց իրավունքների և հավասարության համար աշխատելիս, պահպանել ոչ խտրական վերաբերմունք և լինել նվիրված ֆեմինիստական գաղափարախոսության սկզբունքներին:
Գործադիր տնօրենի օգնականին ներկայացվող պահանջներն ու որակավորումներն են՝
- Բակալավրի աստիճանի կրթություն մարդու իրավունքների, կառավարման ոլորտներում։
- Առնվազն 2 տարվա համապատասխան աշխատանքային փորձ՝ ոչ առևտրային ոլորտում կամ սոցիալական ծրագրերում։
- Հայերենի և անգլերենի գերազանց իմացություն՝ բանավոր և գրավոր։
- Ֆոնդահայթայթման աշխատանքներում փորձի առկայություն, գրագետ ծրագրեր ներկայացնելու և կազմելու հմտություններ:
- Ծրագրային հաշվետվությունների կազմման հմտություններ:
- Հաղորդակցման և միջանձնային հմտություններ։
- Համակարգչային գերազանց հմտություններ, ներառյալ Microsoft Office Suite-ի հետ աշխատելու փորձ։
- Թիմի հետ համատեղ աշխատելու կարողություն։
- Վերջնաժամկետներին հետևելու և անհրաժեշտության դեպքում միաժամանակ տարբեր ծավալի աշխատանքներ կատարելու կարողություն:
Նախընտրելի թեկնածուն պետք է լինի կազմակերպության ընդհանուր արժեքների կրողը:
Ինչպե՞ս դիմել
Եթե դուք համապատասխանում եք վերը նշված պահանջներին, խնդրում ենք մինչև ս./թ. ապրիլի 27-ը ուղարկել Ձեր ինքնակենսագրականը, մոտիվացիոն նամակը՝ հայերեն կամ անգլերեն լեզուներով anush@womenofarmenia.org հասցեին ՝ առարկայի բաժնում նշելով «Գործադիր տնօրենի օգնական» բառակապակցությունը: Կապ կհաստատվի միայն ընտրության առաջին փուլն անցած թեկնածուների հետ՝ հարցազրույցի հրավիրելու նպատակով:
Կազմակերպության մասին
«Կանանց ռեսուրսային կենտրոն» ՀԿ-ն հիմնադրվել է 2003 թ-ին և գործում է Հայաստանի Հանրապետության տարածքում: «Կանանց ռեսուրսային կենտրոն» ՀԿ-ն ֆեմինիստական իրավապաշտպան կազամակերպություն է, որի տեսլականն է հայաստանյան հասարակությունում կանանց հավասար և ինքնորոշ կարգավիճակի հաստատումը, հայրիշխանական հասարակարգի կողմից կնոջ նկատմամբ կիրառվող բռնաճնշումների և սահմանափակումների վերացումը: Կազմակերպությունն աշխատում է 3 հիմնական ուղղություններով՝ Կանանց և աղջիկների զորեղացում և ապահով տարածքի տրամադրում, Սեռական և վերարտադրողական առողջություն և իրավունք, Շահերի պաշտպանություն կանանց իրավունքների ոլորտում: Կազմակերպության մասին ավել տեղեկություն ստանալու նպատակով՝ կարող եք այցելել www.womenofarmenia.org
